എന്തായിരുന്നു

ചിലപ്പോഴൊക്കെ ചിന്തിക്കാറുണ്ട് ഞാന്‍ - 

പുസ്തകത്താളുകള്‍ പോലെ ഈ ജീവിതം,
തിരിച്ചു മറിക്കാമായിരുന്നുവെങ്കില്‍ എന്തായിരുന്നു

ഇടയ്ക്കിടെ കാണുന്ന പകല്‍ സ്വപ്നങ്ങളില്‍ ഒരെണ്ണം,
യാഥാര്‍ത്യമായിരുന്നുവെങ്കില്‍ എന്തായിരുന്നു 

ഇന്ന് ശാന്തമായ ഒരു കടല്‍ ആണ് ജീവിതം,

ആ തീരത്ത് ആരെങ്കിലും ഒന്ന് വെറുതെ കൂടെയിരിക്കാന്‍ 
വന്നിരുന്നുവെങ്കില്‍ എന്തായിരുന്നു
 
സ്നേഹം നടിച്ചു പലരും ഈ ഹൃദയത്തെ കീഴ്പ്പെടുത്തിയിട്ടുണ്ടാവാം

ഒന്നും മിണ്ടാതെ, ഒരൊറ്റ നോട്ടം കൊണ്ട് ഈ ഹൃദയം 
കവര്‍ന്നിരുന്നുവെങ്കില്‍ എന്തായിരുന്നു 

ചുറ്റും ഇന്ന് എല്ലാവരും ഉണ്ട്, എന്നാലും 

നിന്‍റെ  വേദനകള്‍ എന്നെ തളര്‍ത്തുന്നു എന്ന് പറയാന്‍ ആരെങ്കിലും  ഉണ്ടായിരുന്നുവെങ്കില്‍ എന്തായിരുന്നു

എല്ലാവരുടെയും സന്തോഷങ്ങള്‍ക്കായി ആണ് ഇനി ബാക്കി നില്‍ക്കുന്ന ഈ ജീവിതം  

എന്‍റെ മരണത്തിലെങ്കിലും ആരെങ്കിലും ഒന്ന് സന്തോഷിച്ചുവെങ്കില്‍ എന്തായിരുന്നു