മറന്നിരിപ്പുണ്ട്‌, അലമാരക്കുള്ളില്‍
എന്‍റെ ഒരു പഴയ ഡയറി.
ഭൂതകാലം കുത്തിക്കുറിച്ചുവച്ച
ഒരു കറുത്ത ഡയറി.
മുന്‍പേജില്‍ കാണും എന്‍റെ
പേരും വിലാസവും,
അടിയില്‍ ചിലപ്പോള്‍ എന്‍റെ
ഫോണ്‍ നമ്പറും.
തുറന്നൊന്നു നോക്കണം ....
വെടിപ്പുള്ള കൈയ്യക്ഷരങ്ങളില്‍
ഉരുട്ടിയിട്ട വാക്കുകളുണ്ടാവും,
ചായങ്ങളാല്‍ അഴകുപടര്‍ത്തി
ഏട്പുറങ്ങളുണ്ടാവും.
ഉള്‍ത്താളുകളില്‍....
ചില പേരുകളോടോപ്പംച്ചേര്‍ന്ന
ചുവന്ന ചിഹ്നങ്ങളുണ്ടാവും,
കണ്ണീരൊഴുകി കൂട്ടംപിരിഞ്ഞ
വാക്യസമൂഹങ്ങളുണ്ടാവും,
വാടിക്കരിഞ്ഞ്, പൊടിഞ്ഞൊടിഞ്ഞ
പനിനീര്‍പ്പൂവിന്‍റെ ഇതളുകളുമുണ്ടാവും,
കത്തുകളുണ്ടാവും, കവിതകളുണ്ടാവും,
അധിക്ഷേപങ്ങളും, ആഭാസ്യങ്ങളുമുണ്ടാവും,
സന്തോഷങ്ങളും സങ്കടങ്ങളുമുണ്ടാവും ,
ഞാനും എന്‍റെ ഓര്‍മ്മകളുമുണ്ടാവും
അന്തിമകടലാസില്‍....
അലസമായി എഴുതിയ
ചില ഓര്‍മ്മക്കുറിപ്പുകള്‍,
ചില തീയതികള്‍, ചില ഇടപാടുകള്‍,
ചില സംഘ്യകള്‍, പല വര്‍ണ്ണങ്ങള്‍.
ഇന്ന് ജനുവരി ഒന്ന്.....
തുറന്നിരിപ്പുണ്ട്, മേശമുകളില്‍
എന്‍റെ ഒരു പുതിയ ഡയറി.
അക്ഷരങ്ങള്‍ക്ക് ജന്മംനല്‍കുവാന്‍
തയ്യാറായൊരു എഴുത്തുമുനയും.
മുന്‍പേജിലുണ്ടെന്‍റെ പേരും
വിലാസവും, അടിയിലുണ്ടെന്‍റെ
ഫോണ്‍ നമ്പര്‍..!
എന്‍റെ ഒരു പഴയ ഡയറി.
ഭൂതകാലം കുത്തിക്കുറിച്ചുവച്ച
ഒരു കറുത്ത ഡയറി.
മുന്‍പേജില്‍ കാണും എന്‍റെ
പേരും വിലാസവും,
അടിയില്‍ ചിലപ്പോള്‍ എന്‍റെ
ഫോണ്‍ നമ്പറും.
തുറന്നൊന്നു നോക്കണം ....
വെടിപ്പുള്ള കൈയ്യക്ഷരങ്ങളില്‍
ഉരുട്ടിയിട്ട വാക്കുകളുണ്ടാവും,
ചായങ്ങളാല്‍ അഴകുപടര്‍ത്തി
ഏട്പുറങ്ങളുണ്ടാവും.
ഉള്‍ത്താളുകളില്‍....
ചില പേരുകളോടോപ്പംച്ചേര്‍ന്ന
ചുവന്ന ചിഹ്നങ്ങളുണ്ടാവും,
കണ്ണീരൊഴുകി കൂട്ടംപിരിഞ്ഞ
വാക്യസമൂഹങ്ങളുണ്ടാവും,
വാടിക്കരിഞ്ഞ്, പൊടിഞ്ഞൊടിഞ്ഞ
പനിനീര്‍പ്പൂവിന്‍റെ ഇതളുകളുമുണ്ടാവും,
കത്തുകളുണ്ടാവും, കവിതകളുണ്ടാവും,
അധിക്ഷേപങ്ങളും, ആഭാസ്യങ്ങളുമുണ്ടാവും,
സന്തോഷങ്ങളും സങ്കടങ്ങളുമുണ്ടാവും ,
ഞാനും എന്‍റെ ഓര്‍മ്മകളുമുണ്ടാവും
അന്തിമകടലാസില്‍....
അലസമായി എഴുതിയ
ചില ഓര്‍മ്മക്കുറിപ്പുകള്‍,
ചില തീയതികള്‍, ചില ഇടപാടുകള്‍,
ചില സംഘ്യകള്‍, പല വര്‍ണ്ണങ്ങള്‍.
ഇന്ന് ജനുവരി ഒന്ന്.....
തുറന്നിരിപ്പുണ്ട്, മേശമുകളില്‍
എന്‍റെ ഒരു പുതിയ ഡയറി.
അക്ഷരങ്ങള്‍ക്ക് ജന്മംനല്‍കുവാന്‍
തയ്യാറായൊരു എഴുത്തുമുനയും.
മുന്‍പേജിലുണ്ടെന്‍റെ പേരും
വിലാസവും, അടിയിലുണ്ടെന്‍റെ
ഫോണ്‍ നമ്പര്‍..!
No comments:
Post a Comment