പിന്നീടു - നമുക്കോർമയാവാം.

നീ തന്ന മുറിവുകളോരോന്നുമിങ്ങനെ
ഉണങ്ങാതെ നിൽക്കുന്നതെന്തെ ?
വാടിക്കരിഞ്ഞൊരു തണ്ടിലെ ഇതൾ പോലെ,
വാടാതെ നിൽക്കുന്നതെന്തെ ?

ഇങ്ങനെയും ദൂരങ്ങൾ ഉണ്ടാവുമോ,
നീയിങ്ങരികെയും - ഞാൻ എകനായ്.
ഇങ്ങനെയും  തീർപ്പുകളുണ്ടാവുമോ,
നീയീമിടിപ്പിലും - ഞാൻ ശൂന്യമായ്.

നിറയൂ നീയെന്നിലൽപ്പനേരം
ഇരുളായ്, വെട്ടമായ്, ശ്വാസമായ്,
നിണമായ്,നിദ്രയായ്, മൃതിയായ്,
പിന്നീടു - നമുക്കോർമയാവാം.