വീണ്ടുമാ സ്വപ്നത്തെരുവിലേക്കെത്തുവാന്‍,
എന്നെത്തെയും പോലുറക്കമായി ഞാന്‍.
മങ്ങിയ നിറമുള്ള സ്വപ്‌നങ്ങള്‍ തേടി ഞാന്‍
ഓടുന്ന നേരത്തിലെപ്പോഴോ,
ഇടനെഞ്ഞില്‍ പിടയുന്ന ഹൃദയത്തിന്‍ ഭിത്തിയില്‍
കോറി വരച്ച എന്നോര്‍മ്മകള്‍ കണ്ടു ഞാന്‍.
പലവട്ടം തിരിഞ്ഞു ഞാന്‍ നോക്കിയിട്ടും
ആ തെരുവില്‍ മറ്റാരെയും കണ്ടില്ല.
കൂടെ ചലിച്ച എന്‍ നിഴലു പോലും, ഇന്ന്
നിശ്ചലനായ് അങ്ങകലെനിന്നു.
കോരി ചൊരിഞ്ഞ നിലാവിന്‍റ നെഞ്ചിലും
കോറി വരച്ച എന്നോര്‍മ്മകള്‍ കണ്ടു ഞാന്‍.
ഉറഞ്ഞു മറഞ്ഞൊരു കാലങ്ങളെല്ലാം
ഇന്നുദിച്ചു നിന്നു തീഗോളങ്ങളായി
ഇമകളുടെ മറവിലെ കൂരിരുട്ടില്‍
അജ്ഞാതമായൊരു തീ പടര്‍ത്തി
മനസ്സില്‍ തീരാത്ത പരിഭവവുമായി,
എന്നോര്‍മ്മകളെല്ലാം മിഴിച്ചു നിന്നു.
ദൂരങ്ങളില്‍ പോയിമറഞ്ഞ ആ ഗാനത്തിന്‍,
വരികളെല്ലാം ഇന്നുണര്‍ന്നുവന്നു.
ഇടറിയ സ്വരങ്ങളും ഇരുളിന്‍റെ മൗനവും,
നിറയുന്ന നെഞ്ചിലെ തേങ്ങലുമായ്,
വഴിതെറ്റിപ്പോയൊരു സ്വപ്നത്തെരുവില്‍,
ഇന്നുറക്കമില്ലാതെ ഞാന്‍ അലയുന്നുവോ.....
എന്നെത്തെയും പോലുറക്കമായി ഞാന്‍.
മങ്ങിയ നിറമുള്ള സ്വപ്‌നങ്ങള്‍ തേടി ഞാന്‍
ഓടുന്ന നേരത്തിലെപ്പോഴോ,
ഇടനെഞ്ഞില്‍ പിടയുന്ന ഹൃദയത്തിന്‍ ഭിത്തിയില്‍
കോറി വരച്ച എന്നോര്‍മ്മകള്‍ കണ്ടു ഞാന്‍.
പലവട്ടം തിരിഞ്ഞു ഞാന്‍ നോക്കിയിട്ടും
ആ തെരുവില്‍ മറ്റാരെയും കണ്ടില്ല.
കൂടെ ചലിച്ച എന്‍ നിഴലു പോലും, ഇന്ന്
നിശ്ചലനായ് അങ്ങകലെനിന്നു.
കോരി ചൊരിഞ്ഞ നിലാവിന്‍റ നെഞ്ചിലും
കോറി വരച്ച എന്നോര്‍മ്മകള്‍ കണ്ടു ഞാന്‍.
ഉറഞ്ഞു മറഞ്ഞൊരു കാലങ്ങളെല്ലാം
ഇന്നുദിച്ചു നിന്നു തീഗോളങ്ങളായി
ഇമകളുടെ മറവിലെ കൂരിരുട്ടില്‍
അജ്ഞാതമായൊരു തീ പടര്‍ത്തി
മനസ്സില്‍ തീരാത്ത പരിഭവവുമായി,
എന്നോര്‍മ്മകളെല്ലാം മിഴിച്ചു നിന്നു.
ദൂരങ്ങളില്‍ പോയിമറഞ്ഞ ആ ഗാനത്തിന്‍,
വരികളെല്ലാം ഇന്നുണര്‍ന്നുവന്നു.
ഇടറിയ സ്വരങ്ങളും ഇരുളിന്‍റെ മൗനവും,
നിറയുന്ന നെഞ്ചിലെ തേങ്ങലുമായ്,
വഴിതെറ്റിപ്പോയൊരു സ്വപ്നത്തെരുവില്‍,
ഇന്നുറക്കമില്ലാതെ ഞാന്‍ അലയുന്നുവോ.....
No comments:
Post a Comment